منتدى فلسطين التربوى

منتدى فلسطين التربوى

منتدى تربوي يختص بالامور التربوية والنفسية
 
الرئيسيةالتسجيلالبوابةدخول

شاطر | 
 

 ليلى والذب باللهجة الخليلية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: ليلى والذب باللهجة الخليلية   أكتوبر 1st 2007, 4:54 pm

32
لن اطيل عليكم
كلنا نعرف قصة ليلى والذئب ولكنكم الان ستقرأونها كما لم تعرفوها من قبل



هادا زماان، كانت ليلى بتلعب حجله في الكروم في عز الصيف ايام الدبس والخبيصة والعنطبيخ
إلا ابوها لليلى إعتاز شوية حور، ام نادى ليلى :
يا ليلاااااا، الله يؤصف عمرك بكفيكي حجل، تعالي هوني أوام ضفر يخلع نيعك
- اايوا يااابا، شو بييدك
- أوام زي الطلأ عضار ستك جيبيلنا كمشة حور بدنا نسوي هالراووء. واوعي تعدي طريء الكرومات، يالله أوام فطي
إلا ليلى استطولت الطريء و ألت، طب مهي طريء الكرومات أأرب، وماحدا شايف حدا، خليني أزرء ويا ضار ما دخلك شر.
وفي الطريء، انتبه الزئب انو ليلى رايحه عضار سيدها، ام سبئها ووصل ابلها عضار سيدها، والا هوو دفش الباب بإجره وكانت ستها لليلى اعده بتطبء ورء دوالي... سمعت الباب انفتح.. الت.. انووو هادا... الا الزءب رد بصوطه الحنون.. هادا انا يا ستي.. ليلى..
الجده: ليلاااا.. اعبري يا ستي
الا الزئب دخل البرنده وغافل ستها لليلى وكوفلها بشرشف الطاوله ودحشها تحت الدوشك... واتخبى في الفرشه محل ما بتنام.
شوي.. الا ليلى وصلت.. دئت الباب.. الا الزئب رد عليها وهو يألد صوت ستها...
الجدة: أعبري يا ستي ، اطرشي الباب بعد ما تدخلي .
ليلى: كيفك يا ستي ........ منيحة
الجدة: اه يا ستي ، منيحة
ليلى: يا الله مأكبر منخارك يا ستي ، ليش هيكد .
الجدة: علشان أعرف أشم الطبيخ يا ستي
ليلى: طب ليش إدنك كبيرة يا ستي .
الجدة: علشان أعرف أصنطلك يا ستي ز
ليلى: وليش عنيكي كبرانات
الجدة: شو الدعوة يا ستي ، كماتك مش عارفتيني ، هذا عشان اعرف اشوف خرم الابرة لما اطرز.

ليلى: طب ليش بوزك هيك يا ستي
الجدة: علشان اعرف اكلك يا الستي

ولا الذئب نط على ليلى ، وصارت تصيح ، وتصيح ........

ولا اخوها كاين في المنطقة ......... وفزع على الصوت وهو ماسك هالهراوة ودخل على البيت ونزل تكسر في الذئب وخبط علي لما شرد الذئب
وهيك بكون فزع لاختو ولولا عليها كان اكلها الذئب

ورجعوا على الدار هم وستهم والحور ، وعملوا عين طبيخ ودبس وملبن وزبيب وعملو عزايم ومناسف وعاشو بتبات ونبات .
[b]
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: ليلى والذب باللهجة الخليلية   أكتوبر 3rd 2007, 5:07 am

حلوى موووووووت استاذ Tctf

بس فى كلمات ما فهمتها اذا ممكن توضحها

العنطبيخ الحور نيعك الراووء الدوشك اصنطلك الهراوة .......

منيح انو فى لالها اخو يفزع .....

مشكور ع مشاركتك استاذ

دمت بحفظ الله و رعايته
الرجوع الى أعلى الصفحة اذهب الى الأسفل
 
ليلى والذب باللهجة الخليلية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فلسطين التربوى :: منتدى قلسطين للشعر والادب :: القصص والروايات-
انتقل الى: